Isa 7 | Ndebele | STEP | Kwasekusithi ensukwini zikaAhazi indodana kaJothamu, indodana kaUziya inkosi yakoJuda, uRezini inkosi yeSiriya kanye loPheka indodana kaRemaliya inkosi yakoIsrayeli wenyukela eJerusalema ukuya empini emelene layo, kodwa kabangalakho ukulwa layo ngokuphumelelayo.

1 Kwasekusithi ensukwini zikaAhazi ^a indodana kaJothamu, indodana kaUziya inkosi yakoJuda, uRezini ^b inkosi yeSiriya kanye loPheka ^c indodana kaRemaliya inkosi yakoIsrayeli wenyukela eJerusalema ukuya empini emelene layo, kodwa kabangalakho ukulwa layo ngokuphumelelayo. 2 Kwasekubikwa endlini kaDavida ukuthi iSiriya ihlangene loEfrayimi; inhliziyo yakhe lenhliziyo yabantu bakhe zasezinyikinyeka njengezihlahla zegusu zinyikinywa ngumoya. 3 INkosi yasisithi kuIsaya: Ake uphume uyehlangabeza uAhazi, wena loSheyari-Yashubi indodana yakho, ekucineni komfolo ^d wechibi elingaphezulu ^e, emgwaqweni omkhulu wensimu yomwatshi ^f, 4 uthi kuye: Nanzelela, uthule, ungesabi, lenhliziyo yakho ingabi buthakathaka ngenxa yemisila emibili yalezizikhuni ezithunqayo ^g, ngenxa yokuvutha kolaka lukaRezini leSiriya, lendodana kaRemaliya ^h. 5 Ngenxa yokuthi iSiriya, uEfrayimi, lendodana kaRemaliya, bacebise okubi ngawe, besithi: 6 Asenyukele koJuda, simesabise, sizifohlelele kuye, sibeke inkosi phakathi kwakhe, indodana kaTabeyeli.

7 Itsho njalo iNkosi uJehova: Kakuyikuma ⁱ, njalo kakuyikwenzeka. 8 Ngoba inhloko yeSiriya ^j yiDamaseko ^k, lenhloko yeDamaseko nguRezini; laphakathi kuseleminyaka engamatshumi ayisithupha lanhlanu ^l uEfrayimi uzakwephulwa, angabi yisizwe. 9 Njalo inhloko kaEfrayimi yiSamariya ^m, lenhloko yeSamariya yindodana kaRemaliya ⁿ. Uba lingakholwa, isibili kaliyikuqiniswa ^o.

Ilizwi likaIsaya ngoEmanuweli

10 INkosi yasiqhubeka ikhuluma kuAhazi isithi: 11 Zicelele isibonakaliso eNkosini uNkulunkulu wakho ^p; cela ekujuleni ^q loba ekuphakameni phezulu ^r. 12 Kodwa uAhazi wathi: Kangiyikucela, kangiyikulinga iNkosi ^s. 13 Wasesithi: Zwana-ke, ndlu kaDavida ^t; kuyinto encinyane kakhulu kuwe yini ukuthi udinise abantu ^u, ukuthi udinise loNkulunkulu wami? ^v 14 Ngakho iNkosi uqobo izalinika isibonakaliso ^{w
,} ^x: Khangela ^y, intombi emsulwa izathatha isisu ^z, ibelethe indodana ^aa, ibize ibizo layo ngokuthi nguEmanuweli ^ab. 15 Uzakudla amasi ^ac loluju ^ad, aze azi ukwala okubi lokukhetha okuhle ^ae. 16 Ngoba umntwana ^af engakakwazi ukwala okubi lokukhetha okuhle, ilizwe onengwa yilo ^ag lizatshiywa ngamakhosi alo amabili ^ah.

17 INkosi izaletha phezu kwakho ^ai laphezu kwabantu bakho ^aj laphezu kwendlu kayihlo insuku ezingezanga kusukela osukwini uEfrayimi asuka ngalo koJuda ^ak; yinkosi yeAsiriya ^al. 18 Kuzakuthi-ke ngalolosuku ^am iNkosi itshaye ikhwelo ^an empukaneni esephethelweni lwemifula yeGibhithe ^ao, lenyosini eselizweni leAsiriya ^ap. 19 Zizakuza-ke, ziphumule zonke ezigodini zamawa, lezingoxweni zamadwala ^aq, lezihlahleni zonke zameva ^ar, lemadlelweni wonke. 20 Ngalolosuku ^as iNkosi izaphuca ngensingo ^at eyebolekwe, phetsheya ^au komfula ^av, ngenkosi yeAsiriya, ikhanda loboya bezinyawo, futhi ihluthune lendevu. 21 Kuzakuthi-ke ngalolosuku ^aw umuntu uzagcina kuphila ithokazi lezimvu ezimbili; 22 kuzakuthi-ke ngenxa yobunengi bochago ezilwehlisayo adle amasi; yebo, wonke oseleyo phakathi kwelizwe uzakudla amasi ^ax loluju ^ay. 23 Kuzakuthi-ke ngalolosuku ^az, yonke indawo lapho okwakukhona amavini ayinkulungwane ngenhlamvu zesiliva eziyinkulungwane, kube ngokwameva lokhula oluhlabayo ^ba. 24 Bazakuya khona ngemitshoko langedandili ^bb, ngoba ilizwe lonke ^bc lizakuba ngameva lokhula oluhlabayo ^bd. 25 Lazo zonke izintaba ezazilinywa ngekhuba kabayikuya kuzo ngokwesaba ameva lokhula oluhlabayo ^be; kodwa kuzakuba ngokokungenisa inkabi ^bf lokokunyathelwa yizimvu ^bg.